Қазақстан Президенті өзінің "Тәуелсіздік — ең қымбат" атты мақаласында ел аумағының ата-бабаларынан мұраға қалдырылғандығы туралы айтты.

"Ата — бабаларымыздан қалған қасиетті жеріміз-біздің басты байлығымыз. Бұл үлкен аумақты қазақтарға сырттан ешкім берген жоқ. Біздің бүгінгі тарихымыз 1991 немесе 1936 жылмен өлшенбейді. Біздің халқымыз мұнда Қазақ хандығы кезінде, содан кейін Алтын Ордада, түркі қағанатында, ғұндар мен сақтарда өмір сүріп, өсіп отырды. Бір сөзбен айтқанда, біздің ұлттық тарихымыздың тамыры тереңде жатыр. Жалпы, тарихты саясаткерлер емес, тарихшылар зерттеуі керек", - деп жазды Мемлекет басшысы.

Естеріңізге сала кетейік, бұған дейін Мемлекеттік Думаның Білім және ғылым комитетінің төрағасы және "Үлкен ойын" бағдарламасының жүргізушісі Вячеслав Никонов "Қазақстан жай ғана болған жоқ, Солтүстік Қазақстан мүлде қоныстанған жоқ" деп мәлімдеген болатын.