«Білім берудегі өзгерістің 1000 көшбасшысы»

2024 жылдың 10 желтоқсанында «Ақмола облысы білім басқармасының Ерейментау ауданы бойынша білім бөлімінің Ерейментау қаласының Бөгенбай батыр атындағы мектеп-лицейі» КММ-нің  директорының ғылыми-әдістеме жұмысы жөніндегі орынбасары, «Білім берудегі өзгерістің 1000 көшбасшысы» жобасы аясында білім беру ұйымдары басшыларының республикалық кадрлық резервіне енген Бектас Лесбекұлы Төлебек өзі жұмыс атқаратын мектеп ұжымына және «Ақмола облысы білім басқармасының Ерейментау ауданы бойынша білім бөлімінің Ерейментау қаласының Т.Шаханов атындағы №2 ЖОББМ» КММ-нің педагогтеріне ақпараттандыру жұмыстарын жүргізді. Жобаға қатысуға ниетті педагог кадрларға жоба туралы таныстырды. Ең алдымен аталмыш жобаның маңыздылығына тоқталып, жылдам өзгермелі әлем жағдайында Қазақстандағы білім беру ұйымдарын тиімді басқаруға қабілетті көшбасшылардың жаңа буынын қалыптастыру мен менеджмент сапасын арттыруда өзгеріске бейім білім беру саласының қызметкерлері бағын сынап көруге болатынын жеткізді.